Nuk shitet Manchester United

nga **LIHI** Mon Sep 03 2007, 17:44

Familja Glejzer refuzoi 1,5 miliardë për shitjen e Mançester Junajtedit

Pasi tabloidi “News of the World” ka publikuar lajmin rreth ofertës 1,5 miliardë euro të biznesmenëve kinezë dhe arabë për blerjen e Mançester Junajtedit, pronarët amerikan të klubit nga “Old Trafordi” kanë hedhur poshtë një mundësi të tillë.
“Mançester Junajtedi nuk është në shitje”, ka pohuar zëdhënësi i familjes Glejzer, pak ditë pasi tabloidi britanik ka bërë të ditur se rivalët nga Kina dhe Emiratet e Bashkuara Arabe madje janë të gatshëm të shkojnë deri te shifra prej 2 miliardë euro për blerjen e pjesës më të madhe të aksioneve të Mançester Junajtedit. Para dy vjetësh familja Glejzer bleu pjesën më të madhe të aksioneve të klubit për 1,2 miliardë euro, përkundër protestave të mëdha të tifozëve dhe disa prej aksionarëve më të vogël. Me përkrahjen e plotë ndaj Fergusonit dhe me një udhëheqje të qetë të klubit, Glejzerët megjithatë arritën t’i përfitojnë tifozët e klubit. Në rast se ata hedhin poshtë mundësinë e fitimit të miliarda dollarëve brenda një kohe të shkurtër dhe nuk e shesin klubin, atëherë sigurisht se do të fitojnë simpati edhe më të madhe tek “djajtë e kuq”.