Juventusi siguroi shërbimet e tre lojtarëve

nga **LIHI** Tue Jan 29 2008, 04:05

Skuadra gjigante italiane, Juventus i ka përforcuar radhët e veta me tre futbollistë: mbrojtësin Guglielmo Stendardo, mesfushorin defanziv Mohamed Sisoko dhe suedezin, Ollof Mellberg.
Derisa Stendardo dhe Sisoko do të veshin fanellën e Juventusit menjëherë, Mellberg momentalisht anëtar i Aston Villës, do të fillojë të paraqitet në fanellën e Juventusit vetëm pas përfundimit të këtij edicioni dhe do të qëndrojë në këtë skuadër për tri vjet. Stendardo ka ardhur në formë huazimi për gjashtë muaj nga Lacio, kurse Sisoko ka nënshkruar kontratë gjashtëmuajshe, por në rast se arrin t'i bind drejtuesit e "Zonjës së Vjetër" gjatë këtyre muajve, atëherë ka gjasë të nënshkruajë kontratë të re deri në vitin 2012.