Pato ylli i ri i Milanit

nga **LIHI** Tue Jan 29 2008, 04:06

Braziliani Aleksandre Pato është bërë heroi i ri i tifozëve kuqezi, pas vetëm katër ndeshjeve të zhvilluara në fanellën e Milanit. Arsyeja është e thjeshtë, ai në këto katër ndeshje ka shënuar tre gola dhe ka pasur paraqitje të shkëlqyeshme.
Në fitoren e së dielës ndaj Xhenovës, Pato shënoi të dy golat e ndeshjes, duke e ndihmuar skuadrën e tij ta shijojë fitoren e dytë para tifozëve të vet. "Gjatë pushimit ndërmjet dy pjesëlojëve, bashkëlojtarët më thanë që të luaj i qetë, sepse golat do të vijnë. Sa i përket lojës time në sulm, unë nuk kam probleme. Do të luaj çfarëdo që kërkon trajneri", ka theksuar Pato, i cili të dielën luajti i vetmuar në sulm, pasi Ronaldo pushoi për shkak të lëndimit, kurse Xhilardino qëndroi në bankën e zëvendësuesve. "Pato është shumë i ri. Të gjith ne në klub duhet të kujdesemi për të. Ai është një djalosh intelegjent, por në moshën e tij është shumë rrezik të bëhesh i famshëm", ka theksuar mesfushori i Milanit, Klarens Sedorf.