Milani ofron 16 milionë euro për Baptistën

nga **LIHI** Sun Jul 29 2007, 16:33

Drejtuesit e Milanit i kanë ofruar skuadrës kampione të Spanjës, Real Madrid, 16 milionë euro për transferimin e sulmuesit brazilian, Hulio Baptista. Sipas të përditshmes sportive "AS", drejtori i Realit, Predrag Mijatoviq sipas të gjitha gjasave do ta refuzojë ofertën e klubit italian, pasi kohë më parë ka bërë të ditur se Baptista do të shitet vetëm për shifrën 22 milionë euro.
Ndërkohë futbollisti brazilian ka bërë të ditur se ka biseduar me drejtuesit e Milanit, por ka shprehur dëshirën që edhe në edicionin e ri të luajë për Realin. Në karrierën e deritashme 25-vjeçari brazilian ka luajtur edhe për Sao Paolon dhe Sevilën, kurse në Real Madrid ka arritur në vitin 2005. Edicionin e kaluar ai luajti tek Arsenali, në formë huazimi.