Alonso do te largohet nga McLaren

nga **LIHI** Thu Aug 09 2007, 21:21

McLaren i ka zgjedhur, do largohet Alonso

Ron Denis ka arritur në një pikë sa nuk po arrin të përballojë situatën që kanë krijuar dy pilotët e tij "

I dashur Fernando, nuk po duroj dot më, nëse do të largohesh në fund të sezonit, je i lirë." Sigurisht që këto nuk janë fjalët që Ron Denis i ka thënë Alonsos, por gazeta britanike "Times", shkruan se gjithçka është marrë nga persona shumë të brendshëm të skuadrës dhe që sipas tyre ideja e bisedës mes numrit 1 të McLaren it dhe pilotit spanjoll ka qenë pikërisht kjo. "Në bazë të informacionit që kemi ne, shkruan gazeta angleze dhe në të cilat me të mëdha thuhet (se janë të sigurta), është thënë se Alonso mund të largohet nga McLaren it, pasi ata janë të lodhur nga sjellja e tij. Në mënyrë të veçantë Ron Denisit i ka ardhur në "majë të hundës" si nga Alonso ashtu edhe nga Hamilton." Në të vërtetë gjendja e skuadrës McLaren u duk qartë në garën e Hungarisë. Vetë Ron Denis, edhe pse arriti ta fitonte atë garë, në deklaratat e tij thuajse pranoi se brenda skuadrës gjërat janë përçarë.

Nga njëra anë është ironia e spanjollit dhe nga ana tjetër rebelimi i Ljuis Hamilton. Në të vërtetë ky i fundit është pilot që skuadra McLaren Mercedes e ka "rritur" vetë dha tashmë po tregon se është në ato nivele për të fituar gara dhe ndoshta për të fituar titullin kampion që në vitin e debutimit në Formulën 1. Sjellja e Hamiltonit më pas solli një ftohje akoma më shumë të klimës në skuadrën McLaren, e cila pret me padurim vendimin që do të dalë nga historia e spiunazhit. Gjendja është përçarë aq shumë sa në garën e shkuar, gjysma e skuadrës nuk fliste më me Ljuis Hamilton. Për këtë arsye filluan të qarkullonin edhe fjalë sipas të cilave marrëdhëniet midis 22 vjeçarit britanik dhe skuadrës së tij po shkonin drejt divorcit. Një ditë më parë gazeta angleze "Times" nxori lajmin se Ferrari ishte gati të ofronte 35 milionë euro për Ljuis Hamilton (lajmi u përgënjeshtrua nga Zhan Todt). Sipas kësaj gazete, ka qenë FIAT i ai që ka urdhëruar që të merret ai pilot i cili gjithmonë e më shpesh konsiderohet si Majkëll Shumakeri i së ardhmes. "E vërteta është se Denis nuk mund ta lërë të largohet atë pilot dhe aq më shumë të kalojë te Ferrari, me të cilën do të përballet në gjyq. Por me sa duket "polemikat" që hapi Hamitlon në garën e Hungarisë ia kanë ulur çmimin. Duket se McLaren it mjafton t'i kthehen pikët për konstruktorë që humbi në garën e kaluar për t'i ulur ndjeshëm çmimin.

Gjithashtu edhe ata që duan të largohen, mund ta bëjnë. Alonso pas garës së Hungarisë gati sa nuk e tha hapur se çfarë kishte ndërmend të bënte. Spanjolli ende nuk e ka kuptuar se përse skuadra e mbajti aq shumë në bokse gjatë provave dhe përse vendosën ta fusnin në pistë për të regjistruar vetëm një xhiro të shpejtë me gomat të forta dhe të përdorura. I vetmi shpjegim duket se është favorizimi i Ljuisit. Për të ishte gati kompleti i gomave të buta dhe të reja. Kushdo që të fitojë ose të humbasë kampionatin, Alonso do të largohet edhe pse kontrata e tij skadon në vitin 2009 të, për një shumë prej 20 milionë euro në vit. Për të rigjetur vendin e tij, Alonso duket se është gati të pranojë edhe një ulje të pagës, për pjesën tjetër do të merren avokatët.