Ban Ki Mun dhe Ryker raportojnë sot për Kosovën në KS

nga **LIHI** Wed Oct 10 2007, 06:30

Sekretari i Përgjithshëm i OKB së Ban Ki Mun dhe kryeadministratori i Kosovës Joakim Ryker do të paraqesin sot në Këshillin e Sigurimit të OKB së raportin tremujor për gjendjen e sigurisë në Kosovë. Ban Ki Mun në raportin e tij, pjesë të të cilit janë publikuar kohë më parë, situatën e sigurisë në Kosovë e ka vlerësuar të qetë vetëm sipërfaqësisht.

Zëdhënësja e Kombeve të Bashkuara ka konfirmuar se shqyrtimi i raporteve është paraparë edhe në agjendën e Presidencës të Këshillit të Sigurimit të OKB së, që për këtë muaj kryesohet nga Gana. Sekretari i Përgjithshëm i OKB së ka tërhequr vërejtjen se moszgjidhja e statusit kërcënon stabilitetin e rajonit.