Lindsay Lohan arrestohet ....

nga **LIHI** Mon May 28 2007, 20:53

Lindsay Lohan arrestohet për ngasje makine nën influencë të substancave narkotike

Aktorja Lindsay Lohan është arrestuar për ngasje të makinës nën influencë të substancave narkotike pasi që ka humbur kontrollin mbi veturën e saj “Mercedes”. Lohan e cila ka qenë e përfshirë në aksident trafiku rreth orës 5:30, nuk ka dëmtuar askënd tjetër, pos lëndimeve të lehta trupore që ka fituar vetë për të cilat është shtrirë në një spital në afërsi.

Për shkak se në veturën e aktores, të njohur për skandalet publike muajve të fundit, është gjetur edhe një substancë ende e panjohur por e dyshuar që është kokainë, Lohan mund t’i shtohen paditë. Lohan më herët gjatë këtij viti ka qenë e vendosur në një klinikë rehabilitimi, në Qendrën ekskluzive Wonderland në Hollywoodin Perëndimor, për tretman detoksifikimi nga alkooli dhe abuzimi i substancave. Aktorja e cila ka deklaruar që është duke shkuar në takime të alkoolikëve anonimë për më shumë së një vit, ka lënë që mënyra e saj e jetës të ndikojë edhe në vendin e punës, duke bërë që punëdhënësit e saj të ankohen. Në korrikun e shkuar producenti i filmit të saj të fundit “Georgia Rule” kishte shkruar letër drejtuar Lohan në të cilën e quante sjelljen e saj “të paedukatë, pa përgjegjshme, dhe joprofesionale”, duke qenë që ajo gjithnjë vonohej në set të filmit.