855.000 celular perfundon ne guasken e WC-së

855.000 celularë përfundojnë në guaskën e WC-së
Nëse rastësisht u ka ndodhë që celulari juaj të përfundoj në guaskën e WC-së, dijeni që nuk jeni të vetmit në botë, sepse e njëjta që ju ndodhë çdo vjet edhe 850.000 britanikëve.

Sipas analizës së kompanisë SimplySwitch.com, e cila merret me këshilla për kursime financiare të ekonomive shtëpiake, në Britaninë e Madhe, çdo vit humben rreth 4.5 milionë celularë, prej të cilëve pjesa më e madhe, madje 855.000 përfundojnë në guaskën e WC-së.

Si rasti i dytë më i shpeshtë i humbjes apo prishjes së celularëve SimplySwitch.com thekson humbjen e tyre nëpër bare (810.000), taksi (315.000), në transportin publik (225.000), rreth 116.000 telefona mobilë përfundojnë në lavatriçe, përderisa rreth 58.500 prej tyre kafshohen nga qentë e pronarëve të celularëve.

Sipas të dhënave të së njëjtës analizë, meshkujt janë më të prirë në humbjen e këtyre pajisjeve - 28 për qind e tyre kanë pranuar që gjatë vitit së paku njëherë kanë humbur apo kanë dëmtuar celularin e tyre, përderisa të njëjtën gjë e kanë pranuar edhe 26 për qind e femrave.

Në Britani të Madhe brenda një viti shiten rreth 18 milionë celularë të rinj.