Michelle Pfeiffer, yll i ri në Shëtitoren e Famës

nga **LIHI** Wed Aug 08 2007, 20:16

Pasi që nuk ka xhiruar film për pesë vite, Michelle Pfeiffer, ka paralajmëruar kthimin në ekranin e madh, derisa filmi i saj i ri "Stardust" këto ditë do të fillojë të shpërndahet në kinematë e mbarë botën. Industria filmike e Hollywoodit kthimin e Pfeiffer-it e ka shënuar me pompozitet – Ajo ka fituar një yll në Shëtitoren e Famës duke u bërë kështu ylli i 2.345-të që është nderuar në këtë mënyrë. Që prej filmit "Scarface", në vitin 1983, i cili brenda natës e ka bërë atë yll, Michelle Pfeiffer, është njëra nga aktoret më të mira dhe më të bukura të Hollywoodit e cila, në karrierën e saj të pasur, ka aktruar me emra të mëdhenj dhe ka bashkëpunuar me gjenitë e regjisë. Ylli i saj, në Shëtitoren e Famës në Los Angeles, ka ardhur tamam me kohë – pesë vite pas ndërprerjes së punës, Michelle këto ditë kthehet në ekranin e madh dhe atë, me filmin "Stardust", në të cilin aktron me John Travoltan dhe Robert De Niron. "Shumë njerëz janë meritorë për karrierën e një aktoreje, e në rastin tim, kjo është nëna ime, e cila sot nuk është këtu dhe së cilës dua t’i falënderohem më së shumti në jetë", ka thënë Pffeifer.