Treshja negociatore merr instruksionet e fundit nga GK

Tre emisarët ndërkombëtarë që do të udhëheqin bisedimet e reja për Kosovën Frank Uisner, Volfgang Ishinger dhe Aleksandër Bocan Harcenko do të takohen të enjten në Londër me drejtorët për Ballkanin të shteteve anëtare të Grupit të Kontaktit.
Ambasadorët Uisner dhe Ishinger si dhe eksperti rus për Ballkanin Harcenko do të marrin instruksionet e fundit nga Grupi i Kontaktit para se të nisen për vizitën e parë në Beograd dhe Prishtinë, poashtu kah fundi i kësaj jave. Anëtarët e Ekipit Negociator të Kosovës kanë thënë se nuk do të negociojnë për pavarësinë dhe tërësinë territoriale të Kosovës. Edhe analistë të shumtë ndërkombëtarë kanë thënë se nuk priten përafrime të qëndrimeve të palëve.