lihi forum - 

Tue Jan 29 2008, 04:34 nga LIHI

Filmi “I am Legend” me aktor Will Smith-in është filmi që ka fituar më së shumti të holla në arkat filmike në Evropë gjatë fundjavës. Filmi amerikan ka lënë pas të gjitha prodhimet e tjera kinematografike që janë shfaqur në Itali, Angli, Gjermani dhe Francë, duke arritur kështu sukses të madh vetëm në javën e parë të shfaqjes.

Komentet: 0

Tue Jan 29 2008, 04:30 nga LIHI

Skandalet siç duket nuk kanë të ndalur për Britney Spears-in. Këngëtarja e famshme amerikane planifikon një tjetër befasi. Ajo ka plane konvertohet në fenë myslimane pasi që i dashuri i saj, me prejardhje pakistaneze Adnan Ghalbi, që jeton në Birmingham të Anglisë, është mysliman.

Mediat angleze shkruajnë se paparaci Galbi planifikon ta vjedhë zemrën e yllit Hollivudian në mënyrë që t’i sigurojë vetes një pasuri të madhe. Ai është munduar që të shiste foto nudo të Britnit, 26- vjeçare dhe të marrë lëvdata për jetën e tyre seksuale duke thënë se ajo pëlqen që ai t’i thotë fjalë të ndyta asaj në akcentin e tij britanik, ka raportuar ‘News of the World’. Thuhet se Spears u ka treguar miqve të saj se sa shumë e dashuron 35- vjeçarin Ghalbi dhe se planifikon të martohet me të dhe të konvertohet në fenë myslimane. Në çastet e saj më të çmendura ajo ka kërcënuar se do të gënjejë për vdekjen e saj, në mënyrë që të nisë një jetë të re në Pakistan. Familja e Galbit, në Angli, ka kërkuar nga ai që të heqë dorë nga këngëtarja. Mënyra e vetme që familja ta pranojë lidhjen e tyre duket të jetë konvertimi i këngëtares në një besimtare myslimane dhe martesa më pas, sipas rregullave të kësaj feje.
Ndërkohë në lajmet më të fundit për këngëtaren...ishte krijuar kaos jashtë gjykatës së Los Anxhelosit ku këngëtarja problematike ishte përpjekur por nuk kishte arritur të hynte për të qenë e pranishme në seancën dëgjimore, ku gjykatësi refuzoi të anulonte vendimin për të mos i lejuar këngëtares t’i vizitoi fëmijët. Të hënën, Spears kishte arritur me disa orë vonesë dhe ishte rrethuar nga fotografët me të arritur në gjykatën e Los Anxhelosit. Por në vend se të drejtohej kah ndërtesa e gjykatës kur seanca veç po mbahej, me Federline-in të pranishëm në gjyq, ajo u kthye në veturë dhe u largua.
Kevin ka fituar kujdestarinë e plotë të fëmijëve në muajin tetor, kur Britney kishte dështuar t’i nënshtrohej testit për përdorimin e narkotikëve, që e kishte të caktuar nga gjykatësi.

Komentet: 0

Tue Jan 29 2008, 04:27 nga LIHI

Britney Spears ka tronditur stafin e një dyqani në Kaliforni, të dielën, me të dalë nga zhveshtorja tërësisht e zhveshur.
Një ditë përpara se një gjykatës në Los Anxhelos ka refuzuar të anuloj vendimin sipas së cilit Spears-it nuk i lejohet të shoh fëmijët një muaj, këngëtarja bëri një skandal në një butik. Spears dhe i dashuri i saj i ri, paparaci Adnan Ghalib kishin shkuar në një butik me ç’rast Spears kishte marrë një fustan për të provuar. Ajo kishte hyrë në zhveshtore por me t’u ri-paraqitur ajo tronditi të gjithë pasi që nuk kishte të veshur as fustanin as rrobat me të cilat kishte hyrë në dyqan.
Një punonjëse e atij butiku i ka deklaruar revistës “Life & Style”: “Kam mbetur pa fjalë. Ajo ishte përpara meje tërësisht e zhveshur. Iu afrova për ta mbulur me një fustan por ajo më tha të largohem”. . dëshmitarët thonë se Spears dhe Ghalib kanë kaluar 30 minuta në një dhomë të butikut përpara se të largoheshin.
"Nuk kuptoja asgjë çfarë ajo thoshte, ajo fliste në aksentin britanik. Doja ta ndihmoja për ajo u sjell aq keq sa që e lash vetëm " ka deklaruar një tjetër dëshmitar.
Kjo skenë bizare ndodhi gjatë vikendit kur Spears ishte parë me të dashurin e ri, e veshur me njërin prej fustaneve që kishte veshur ku ishte martuar me Kevin Federline, më 2004.

Komentet: 0

Tue Jan 29 2008, 04:22 nga LIHI

Aktorja 20 vjeçare Ellen Page ka thënë të ndihet e nderuar për nominimin e saj me Oskar



Një komedi që flet për shtatzënësinë në moshë të re është nominuar në katër kategori të shpërblimeve prestigjioze Oskar. Aktorja Ellen Page është nominuar për shpërblimin “Aktorja më e mirë”. 20-vjeçarja është nominuar krahas aktoreve të tilla si: Cate Blanchett për rolin e saj në filmin "Elizabeth: The Golden Age", Julie Christie për "Away From Her", Marion Cotillard për "La Vie en Rose" dhe Laura Linney për rolin e saj në filmin "The Savages". Filmi “Juno” është kandiduar për 4 prej shpërblimeve kryesore “Aktorja më e mirë”, “Skenari më i mirë”, “Regjisori më i mirë” dhe “Filmi më i mirë”.
Page ishte duke udhëtuar nga Parisi për në Londër kur kishte dëgjuar lajmin se ishte nominuar me Oskar.
"Jam vërtet mirënjohëse për këtë nderim që më është bërë. Ndihem e nderuar që jam në mesin e aktorëve të nominuar me oskar, për të cilët kam shumë respekt dhe i admiroj. Jam shumë e lumtur për skenaristin dhe regjisorin dhe për të gjithë ata që janë përfshirë në film, ngase të gjithë kanë punuar me shumë zemër dhe përgjegjësi", ka thënë Page.
Derisa ceremonia e shpërblimeve “Globi i Artë” ishte viktimë e grevës së skenaristëve amerikanë, organizatorët e shpërblimeve akademike premtojnë se ngjarja e shkurtit do të mbahet.
Aktorja e re ka thënë se i përkrah skenaristët. Por, pranon se do të ishte zhgënjyer po të mos mundte të shkonte në ngjarjen më të rëndësishme të vitit për industrinë filmike.
"Do të gënjeja po të thosha jo... natyrisht se do të doja të shkoja në ceremoninë e oskarëve, por nëse diçka ndodh dhe nuk shkoj, atëherë nuk do të ishte fundi i botës. Shumë persona janë ndikuar nga greva edhe më keq se unë, shpresoj se do të rregullohet kjo situatë dhe të harrohet e tëra" është shprehur aktorja.
Nominimi i Page-it me Oskar do të thotë se atë e prej një e ardhme më e mirë. E pyetur se si ballafaqohet me presionin e të qenit një yll i ri në skenën e Hollywood-it, ajo tha se përpiqet të qëndrojë me realitetin:
"Përpiqem t’i shoh gjërat me perspektivë, por nuk mendoj se jam e veçantë vetëm pse jam aktore. E bëj këtë, sepse vërtet dua ta bëj.
Pasi ndodhi kjo ndihem mirë, jam mirënjohëse, mbase kjo do të thotë se duhet të angazhohem në më shumë filma".
Ceremonia e ndarjes së shpërblimeve Oskar do të mbahet më 24 shkurt në Hollywood.

Komentet: 0

Tue Jan 29 2008, 04:18 nga LIHI

Rep grupi kosovar “Etno Engjujt” ka realizuar video-projektin më të ri “All night”. Kënga është pjesë e albumit të fundit të grupit “10-she”, me të cilin ai ka shënuar 10 vjetorin e formimit, vjet. Muzika dhe teksti i këngës janë realizuar nga anëtarët e grupit “Etno Engjujt” të cilët këtë radhë kanë zgjedhur të bashkëpunojnë me rep-grupin K-OS, Lyrical Son dhe vokalistin e daullexhiun e grupit NRG, Besnik Çaka. Video-klipi “All night” është realizuar nga produksioni kosovar “Pulla”.

Komentet: 0